Манай компанийн “Стандарт цонх” барилгын материалын үйлдвэр нь Улаанбаатар хотын БЗД-ийн 13-р хорооны нутаг дэвсгэрт байрладаг бөгөөд дэлхийд тэргүүлэгч европын URBAN, ELUMATEC, FOMINDUSTRIE, GRAULE зэрэг хаалга, цонх, шилэн фасадны үйлдвэрийн зориулалттай бүрэн болон хагас автомат ажиллагаатай тоног төхөөрөмж, техник технологийг ашиглан DIMEX брэндийн хуванцар цонх, GIESSE-GOS брэндийн металл цонх хаалга, JOYDON брэндийн шилэн фасадыг үйлдвэрлэдэг.

DIMEX, JOYDON систем нь ХБНГУ-ын, GIESSE-GOS систем нь Итали улсын инженерүүдийн зохион бүтээсэн, европын сертификатаар патентлагдсан, олон улс орны барилгын хэрэглээнд нэвтэрсэн, дэлхийд хүлээн зөвшөөрөгдсөн брэнд бүтээгдэхүүнүүдийн нэг юм. Европын орнуудаас гадна АНУ, БНХАУ, ОХУ-ын үндэсний стандартын туршилт баталгаажуулалтыг хангаж, стандарт бүрийн дээд түвшинд хүрсэн байдаг. Тухайлбал, DIMEX системийн хуванцар цонх 20-25, GIESSE-GOS системийн металл цонх, хаалга 35-40, JOYDON шилэн фасадны систем нь 40-50 жилийн эдэлгээг даах чадвартай. Монгол орны эрс тэс цаг уурын нөхцөлд тэсвэртэй, эрчим хүч хэмнэсэн, чанартай бүтээгдэхүүн гэдэг нь 2011 оноос хойших хэрэглээнээс харагддаг. Учир нь бид практик ашиглалтын судалгаа, үйлдвэрлэгчийн саналаа патент технологи эзэмшигч талд өгч, бүтээгдэхүүний хөгжүүлэлт дээр байнгын хамтын ажиллагаатай ажилладаг. Бид дэлхийд танигдсан брэнд бүтээгдэхүүнийг чанартай үйлдвэрлэж, Монголын хэрэглэгчдэд хүргэдгээрээ туйлын бахархдаг.

Стандарт оюу ХХК нь цонх, хаалга, шилэн фасадыг нэг дор иж бүрнээр нь чанарын өндөр гүйцэтгэлтэй нийлүүлэхээс гадна ашиглалтын дараах засвар үйлчилгээгээ гэрээний үндсэн дээр хийж, мэргэжлийн түвшинд ажилладаг гэдгээрээ томоохон төсөл хөтөлбөр хэрэгжүүлэгч барилгын салбарынханд танигдсан.